Во рамки на одбележувањето на 17 Ноември, Меѓународниот ден на студентите, на УКЛО се одржаа традиционални Универзитетски спортски турнири во пинг-понг, шах и пикадо.
Покрај 50 –ната студенти, професори и вработени од единиците на УКЛО, во натпреварите се вклучија неколку спортски клубови: пингпонгарскиот Пелистер и шаховскиот, Шах – Шех и за прв пат со поддршка од Општина Битола.
Универзитетските спортски турнири завршија со доделување медали и дипломи за најдобрите и благодарници за сите учесници, што ги додели проректорката за студентски работи, проф. д-р Јасмина Буневска – Талевска. По повод на настанот и масовниот одзив на турнирите, таа ја потврди определбата и подготвеноста на Универзитетот „Св. Климент Охридски“ – Битола да делува во насока на континуирано унапредување на студентските права и студентскиот стандард кои вклучуваат и манифестации од спортско – рекреативен и воопшто социјално – инклузивен карактер.
Универзитетските спортски турнири во пинг-понг, шах и пикадо се одржаа на 16.11 2023 г. во Студентскиот информативен центар на УКЛО.
