КОНКУРС УКЛО ТРИВИУМ Натпревар во ораторство

19.03.2019

Универзитетот „Св. Климент Охридски“ – Битола, во пресрет на Денот на основањето на УКЛО и одбележување на 40 годишниот јубилеј, на 19 април 2019 година, по четврт пат организира натпревар во ораторство, за студентите од сите единици на Универзитетот на тема:

40 години УКЛО:  Дигитална (р)еволуција

 

УКЛО ТРИВИУМ е одлична можност студентите да ги подобруваат вештините за јавно говорење, аргументирано и структурирано изразување. Конкурсот е отворен до 10 април 2019 година.

 

КРИТЕРЕРИУМИ ЗА УЧЕСТВО НА НАТПРЕВАРОТ:

  • Секој учесник треба да го ограничи својот говор до максимум 4 минути. Долна граница нема;
  • Говорите коишто ќе се интепретираат треба да бидат оргинални и претходно необјавувани;
  • Задолжителни компоненти на говорот: Вовед (10-20 проценти од целиот говор); Разработка на говорот (најдолгиот и најважниот дел на говорот) и Заклучок (5-10 проценти од целиот говор); Текстот на треба да содржи повеќе од 10% цитати.

УЧЕСНИЦИ НА КОНКУРСОТ:

  • На конкурсот може да учествуваат студенти од УКЛО - Битола.
  • Најдобрите оратори ќе бидат наградени.

ПРАВИЛА ЗА ГОВОРИТЕ:

  • Говорите треба да бидат напишани и изведени на македонски јазик;
  • За време на говорот се користат белешки или мултимедијална анимација (звук, фотографија, носечка централна мисла и сл.) кои му помагаат на говорникот;
  • Сите говори ќе имаат 20 секунди грејс период почнувајќи од моментот кога е даден стоп сигналот. На крајот од 20-те секунди говорникот ќе биде запрен од страна на Комисијата за оценка и сето она што е кажано потоа нема да се земе во предвид;
  • Учесниците на Конкурсот му ги отстапуваат авторските права на организаторот за објавување на говорите во електронска и печатена форма;

 Говорите треба да се испратат по електронски пат со назнака дека се праќаат за ораторскиот натпревар на следната електронска адреса oratorstvo2019@uklo.edu.mk;


Scroll to Top