Факултети

EMail сервис

Alumni

ЕРАЗМУС

ЕРАЗМУС ПРОГРАМА ЗА МОБИЛНОСТ НА УНИВЕРЗИТЕТОТ „СВ.КЛИМЕНТ ОХРИДСКИ“ - БИТОЛА ЗА АКАДЕМСКАТА 2010/2011

Програмата ЕРАЗМУС (European Region Action Scheme for the Mobility of University Students), претставува програма за размена на студенти на Европската Унија воспоставена во 1987 година. Всушност, тоа е најзначајниот дел од Европската

Програма за доживотно учење 2007–2013 година (Lifelong Learning Programme) и е оперативна рамка за иницијативите на Европската комисија во доменот на високото образование.

Еразмус програмата заедно со други независни програми беше дел од Програмата СОКРАТЕС (SOCRATES) што Европската комисија ја воспостави во 1994 година, траеше до 31 декември 1999, а потоа беше заменета со Сократес II во јануари 2000, за да на 1 јануари 2007 година настапи Програмата за доживотно учење.

Со добивањето на Еразмус чартерот (ERASMUS UNIVERSITY CHARTER (EUC), No. 255200-IC-1-2009-1-MK-ERASMUS) и Еразмус кодот за УКЛО MK BITOLA о1, Универзитетот „Св. Климент Охридски” - Битола го започнува процесот на реализирање мобилности наменети за студиски престои на студенти и стручни усовршувања и настава за академски кадри. Дестинации се универзитетите во државите членки на ЕУ: Австрија, Белгија, Бугарија, Кипар, Чешка, Данска, Естонија, Финска, Франција, Германија, Грција, Унгарија, Ирска, Италија, Латвија, Летонија, Луксембург, Малта, Холандија, Полска, Португалија, Романија, Словачка, Словенија, Шпанија, Шведска и Велика Британија.

Основни услови и критериуми при пријавувањето на студентите се тие
да имаат македонско државјанство и во моментот на реализирање на мобилноста да се запишани најмалку на втора година студии

Студентите можат да престојуваат од 3 до 12 месеци
на странскиот универзитет, а академските кадри најмногу 1 седмица
Потребни документи за студентска мобилност:

Пополнет формулар за пријавување (Student Application Form);
Договор за студирање (Learning Agreement) во кој се утврдува програмата за студирање која треба да се следи, одобрено од страна на студентот, матичната институција/Еразмус координаторот и институцијата во странство;
Уверение за положени испити (преведено на англиски јазик);
Потврда за статусот на студент;
Потврда за познавање англиски јазик или евентуално јазикот на кој се изведува наставата на Универзитетот што е избран за реализација на мобилноста.

Висината на стипендијата за студентите изнесува 310 ЕУР месечно.

Студентите лично ги поднесуваат потребните документи за мобилност до Еразмус координаторот на универзитетот каде што ќе се реализира престојот

Потребни документи за академска мобилност :